Denne helga har alle våre fire seniorlag heimekampar, og alle håpar å få god støtte frå publikum.

Først ut er A-lag herre når dei lørdag møter topplaget Eidsvoll Turn til kamp på Førde Stadion lørdag kl 1300. Eidsvoll Turn er favoritter, men her har Folland sine menn planer om å revansjere tapet i vårsesongen.

SUPER SØNDAG I HAFSTADPARKEN

Søndag er det berre å komme i Hafstadparken. Her blir ikkje mindre enn tre kampar.

Kretsligaen Førde 2 – Årdal kl 1400

Førde 2 imponerte stort i førre serierunde med å slå Eid på heimebane. Denne gang er det serieleiar Årdal som kjem til parken. Førde sine nest beste har vist at dei kan slå kven som helst. Førde 2 har i mange kamper slitt med å skore, men no ser det ut som Sander Kapstad har funne skoringsformen. Med fire mål på dei tre siste kampane håpa vi at han fortsette mot Årdal.

3 Divisjon Damer Førde – Lyngbø kl 1630

Damene har allereie vist at dei tar nivået i felles serie med Hordaland. Det skiller kun tre poeng mellom 1 og 6 plass i serien, så blir det tett. Klare Vilde Wie og damene å følge opp 3-2 sigeren mot Loddefjord førre helg? Wie opna sin skoringskonto med to mål førre helg, og er klar for nye mål. 🙂 Damene håpar at mange vil ta turen for å støtte laget mot tre nye poeng.

5 Divisjon Førde 3 – Florø 2 kl 1900

Søndagens siste kamp er lokalderby i 5 divisjon mellom Førde 3 og Florø 2. Førde 3 har levert solide prestasjoner i årets sesong sjølv om det har vore stor rotasjon på laget grunna mykje skader. Det har vært mange unge som har fått prøve seg, og viser at det er mange talent i klubben. Ingen vil vel tape mot Florø ? Dei er også naboer på tabellen , så her blir det garantert ein spennande kamp.

KOM OG HEIE FRAM VÅRE LAG – HEIA FØRDE

-I dag har vi brote ei barriere, og vunne vår første kamp i den nye serien. Og så er dette dei første måla til Vilde og Anne også i denne serien, smiler Johan Pettersen etter at damelaget vann over Loddefjord i Bergen sundag.

Med tre sterke poeng på bortebane mot Loddefjord, klatra Førde heilt opp på 3. plass på tabellen for den nye 3. divisjon i Hordaland og Sogn og Fjordane. Noko som er ekstra motiverande for Førde-jentene.

I toppen

-I dag vinn vi ein svært sterk siger mot eit godt Loddefjord-lag. Det betyr at vi så langt har spelt jamt mot bergensklubbane, og dette motiverer oss også ekstra mykje med tanke på heimekampen mot Lyngbø komande sundag ettermiddag i Hafstadparken. Då kan vi for alvor henge med «der oppe», smiler Johan Pettersen medan spelarane er i ferd med å pakke inn i bussen.

-I dag scorar Vilde to flotte mål tidleg i oppgjeret, og midtbanemotoren vår, Anne Gyldenskog Kilnes, avgjer med vårt tredje mål i 2. omgang. Men det viktigaste er faktisk at alle spelarane som var med til Bergen, bidrege positivt. Innbytarane kjem inn med ny energi, som igjen smittar over på dei andre. På den måten skal vi alltid vere eit vanskeleg lag å spele mot, seier trenaren for damelaget etter lagsigeren på Alvøen kunstgrasbane.

Inn i bussen

-No ser vi fram til ei god treningsveke og deretter oppkøyring mot Lyngbø i Hafstadparken om ei veke. Vi ser allereie fram til den kampen, seier Pettersen og skundar seg inn i lagsbussen som skal plukke opp Førde sine G16-spelarar som har spelt kvartfinale mot Brann på nabobana, Varden Amfi.

Tekst: Stig Roger Eide/Foto: Terje Norevik

KAMPFAKTA

3.divisjon, Hordaland og Sogn og Fjordane

LODDEFJORD-FØRDE 2-3 (1-2)

Alvøen kunstgras

Mål:

1-0

1-1 26 Vilde Sunde Wie

1-2 41 min Vilde Sunde Wie

1-3 68 min Anne Gyldenskog Kilnes

2-3 83 min

Førdetroppen: Sofie Honningsvåg Aarnes, Lea Oline Aamot Fonn, Sofia Hagen Paulen, Vibeke Solhei.m, Sigrid Welle, Kristian Hjelmeland Berqvam, Anne Gyldenskog Kilnes, Dina Sande Søgnen, Martine Honningsvåg Aarnes, Inga Hjelmeland Berqvam, Vilde Sunde Wie, Linnea Levik Aamot, Johanne Støfring, Kaja Johannessen Skrede og Vikoria Zablotna.

Førde slo Hødd II heile 5-4 på Sunnmøre torsdag kveld. – Dette var tre ufatteleg viktige poeng. Kanskje dei til og med er avgjerande, seier ein glad Knut Erik Folland på telefon frå Ulsteinvik.

Førde-trenaren garanterte at det skulle bli ein lystig tur heim igjen til Sunnfjord natt til fredag.

-I morgon blir ein god start på helga for dei fleste av oss. Denne sigeren kan kort og godt vere avgjerande for om vi står i divisjonen eller ikkje, seier Folland etter det han rosar som ein unik laginnsats av spelarane.

Moral på topp

-Dette var kollektivt noko av det betre eg har sett av laget på lenge. Vi ligg under to gonger, men spelarane viser god moral i måten dei aldri gjev opp. Vi kjem tilbake ved at alle spelarane står opp i samfulle 90 minutta. I dag måtte vi ta nokre byter på tampen av oppgjeret då krampa tok nokre spelarar. Men då er det lov å gje seg, ler Folland og viser til at no får spelarane nokre dagar ekstra treningsdagar fram mot neste heimekamp.

-Det å vinne kampen hadde svært stor betydning for heile gruppa. No fekk vi litt sjølvtillitt, og eit eventuelt tap her på Sunnmøre i kveld, hadde vore tøff å bere fram mot neste kamp, seier Førde-trenaren og rosar spesielt 16-åringen Elias Grimeland etter kampen.

Sterkt av unggut

-Dette er hans andre kamp frå start, og vi skal vere klar over at han er berre 16 år. Og som midtstoppar saman med Vegar Gjermundstad spelar han igjen ein veldig god kamp. Han står opp og er uredd i taklingane, seier Folland og ser allereie fram mot neste kamp, heime mot Eidsvold Turn neste laurdag.

-I dag scorar vi fem mål, og er sjølvsagt ikkje nøgde med at vi slepp inn fire. Men så lenge det blir tre poeng på oss, så skal vi vere kjempeglade. Noko vi verkeleg er, smiler Førde-trenaren etter nimålskalaset i Ulsteinvik på Sunnmøre.

Tekst og foto (arkiv): Stig Roger Eide

KAMPFAKTA

Hødd II-Førde 4-5 (2-2)

Høddvoll stadion, kunstgras

Mål:

1-0 6 min

1-1 23 min Vegard Savland

1-2 25 min Jacob Bergset

2-238 min

3-2 54 min

3-3 58 min Vebjørn Høynes

3-4 69 min Vegard Savland

3-5 88 min Mathias Helgheim

4-5 90 min

Førde: Fredrik Hanssen, Svenn Ove Gjøringbø (Andreas Hvidsten i 73. min), Vegar Gjermundstad, Elias Grimeland, Øystein Riksheim Østvik, Elias Rognebakke, Magne Aarøen (Lasse Aamelfot i 46. min), Jacob Bergset, Vegard Savland (Sander Kapstad i 90. min), Vebjørn Høynes, Nicolas Gudvangen Trollebø (Mathias Helgheim i 85. min)

Adidas Cup er også i år ein flott arena for våre lag. Dette gjev god matching mot mange lag vi ikkje møter til vanleg. No når vi akkurat er starta på september er tida inn for å gjere opp status så langt. Her følger litt status for kvart kull, og oppsummert har vi fortsatt tre lag som kjempar om finalehelg på Gjøvik i oktober.

J13

I pulje med Sogndal og Voss. Sogndal med full pott i pulja, mens Førde sikrar sluttspel ved 2-1 siger over Voss. Her møtte dei Vard Haugesund til 1/8 dels finale i Bergen førre helg. I ein tett og spennande kamp mot eit godt lag vart det til slutt eit 2-1 tap. Vinnarmålet til Vard Haugesund kom kun 2 minutt før full tid. Det var dermed ein skuffa gjeng etter kampen, men Reiersen var strålande nøgd med innsatsen jentene la ned. God erfaring å ta med vidare i sesongen og inn mot neste års adidas cup.

J14

Jentene på J14 møtte søndag 27 august Nore Neset i gruppefinale. Førde jentene gjorde kort prosess, og det vart tidleg klart at dei kom til å ta førsteplassen i gruppa. Kampen enda til slutt med 8-1 siger, og med tre av tre sigrar i puljespelet vart dei puljevinnar. No ventar dei på at motstander i kvartfinalen skal bli klar. Her skal dei møte den tredje beste toer frå ei pulje. Dette blir klart først 15 september då siste kampar i puljespel er avvikla.

J17

Her vart det stopp i puljespelet for Førde. Dei møtte to lag frå Trondheimsregionen i Malvik og Gauldal, og valgte å møtast i Molde. Dei gjennomført to kampar same helg. Lørdagen vart 1-1 mot Malvik som til slutt vant pulja, mens det søndag vart tap. Håpet var å få ein av dei beste treer plassane, men det gjekk ikkje.

G13

Dette kullet imponerte stort i gruppespelet, og vant samtlege fire kampar, og med 24-5 i målskilnad. I 1/16 dels finalen møtte dei Loddefjord som gav dei god motstand, men Førde dro i land ein 5-2 siger til slutt. Dermed var det klart for 1/8 dels finale mot Smørås som har imponert i lokal serie. Dette vart ein tett og spennande kamp som kunne bikka begge vegar, men til slutt klarte Smørås å sikre ein 2-1 siger. Dermed var årets adidas cup over for G13.

G14

I ein tett og spennande pulje med Fyllingsdalen, Sund og Nordhordaland BK klarte Førde å sikre puljesiger med 7 poeng. Dermed fekk dei fordel av heimebane i starten av sluttspelet, men sidan dei møtte Moelven ble det å møtast på Jotun stadion. Her vart klar siger med 9-2, og dermed klart for heimekamp i 1/8 dels finale mot Dale.Kanskje den mest nervepirrande kampen i parken i år som til slutt enda med siger på straffespark for Førde. I kvartfinalen møter dei Nordstrand, og denne kampen blir avvikla lørdag 23 september på Hallingmo stadion.

G15

Førde leverte også i G15 eit solid puljespel mot Djerv, Vestsiden-Askøy og Nordhordaland BK. Tett kamp om siger i pulje mellom Førde og dei to førstnemnte, og til slutt var det Førde som vant pulja med sju poeng. Dermed vart det heimbane mot Os 1/16 delsfinalen. Det starta bra og til pause leia Førde 1-0, men eit hattrick frå Os speler i løpet 6 minutt i andre omgang knuste håpet til Førde gutane. Kampen enda til slutt 3-1 til Os.

G16

Dette er laget er ute etter å ta sin tredje strake siger i Adidas Cup. Foreløpig er dei i rute etter full pott i puljespelet, samt sigrar mot Gneist i 1/16 dels finale og Bækkelaget 3-1 i 1/8 delsfinalen. Dei møter vinnaren av Søgne og Rælingen i kvartfinalen. Kven det blir er først klart 10 september.

Fredagens kamp i 5 divisjon var på forhånd sett på som jamn kamp ut frå tabell og poengfangst hittil i sesongen. I fredagens kamp tok Dale kommandoen frå start, men det tok nesten 30 minutt før dei fekk 1-0, og før pause auka dei til 2-0. Førde 3 klarte etter dette aldri å komme inn i kampen igjen, og til slutt enda kampen med ein solid og fortent 5-0 siger til Dale.

Benny Rivedal var skuffa over presentasjonane fredag. Vi tapte for mange dueller, og vart nest best i det beste. Alle våre seniorlag inkludert G16 er inne i eit tøft kampprogram, så det blir mykje nytt til kvar kamp. Dette viser litt igjen på samhandling i laget, men samtidig gir dette mange av våre unge spelare god erfaring på dette nivået. Dette skal vi ta med oss til neste kamp som er bortekamp mot Eikefjord måndag 11 september.

Førde sitt lag fredag var: N.Berqvam, K.Furelid, L.Hagenes, E. Berge, H. Strømmen, S.Leknes, N.Otternes, N. Tonning, A. Vallestad, E, Ravndal, N. Gikwa, H.Sagevik, P.Undeland, V.Fløholm