BRANN I SAMTALAR MED ELIAS (17)
Førde sin G17-landslagsspelarar Elias Grimeland er ettertrakta. Aalesund har lenge vist interesse, og no har også Brann meldt seg på. -Eg skal faktisk trene med Brann i påskeveka, seier forsvarsspelaren. Førde-patrioten kontaktar Elias Grimeland medan han trenar med kompisar i Hafstadparken palmesundag, og vil gjerne ha stadfesta rykta om at Brann skal ha vist interesse…
Førde sin G17-landslagsspelarar Elias Grimeland er ettertrakta. Aalesund har lenge vist interesse, og no har også Brann meldt seg på. -Eg skal faktisk trene med Brann i påskeveka, seier forsvarsspelaren.
Førde-patrioten kontaktar Elias Grimeland medan han trenar med kompisar i Hafstadparken palmesundag, og vil gjerne ha stadfesta rykta om at Brann skal ha vist interesse for å sikre seg hans signatur.
-Ja, det stemmer. Eg var i Bergen saman med foreldra mine for snart tre veker sidan, og hadde då møte med Daniel Steinfeldt, Brann 2-trenar Ole Martin Nesselquist og akademileiar Aksel Bergo, fortel 17-åringen og fekk også høyre at sportsleg leiar Per-Ove Ludvigsen også skulle ha vore med, men at han var på utanlandssamling med A-laget til klubben.
Brann sine planar
Steinfeldt er forøvreg nytilsett som speidar i SK Brann, og har mange år bak seg som spelaragent.
-Vi fekk framlagt kva Brann kan tilby, og det var tydeleg at dei ville ha meg inn til sommaren. Ikkje minst fordi det då ville vere lettare å tilpassa alt det sportslege opp mot vidaregåande skule. Dei har eit eige NTG-tilbod på Brann stadion, og tanken er då at eg skal inn i 2. klasse der på same måten som eg går på vidaregåande skule her i Førde, seier Grimeland og ser at eit klubbskifte kan vere aktuelt for han no.
-Eg har ikkje bestemt noko, men landslagstrenaren har også sagt at viss eg vil halde på landslagsplassen, så bør eg inn i ein større klubb med eit betre sportsleg apparat, seier Elias Grimeland og ser ikkje bort frå at akkurat det var noko av grunnen til at han fall ut av G17-landslagstroppen denne månaden, og at to spelarar frå storklubbar som FC Leipzig og Rosenborg kom inn i staden for han.
Trenar med Brann II
Og medan Elias Grimeland tilbringer palmesundagen i Hafstadparken, kan han også røpe at han allereie dei to komande dagane skal trene med Brann II.
-Ja, eg skal faktisk inn allereie i kveld. Eg kjenner nokre av spelarane frå tidlegare samlingar, og dette opplegget er for å bli litt meir kjent med gjengen før eg tek ei avgjerd. Mellom anna så er jo Julian Lægreid frå Årdal der inne, fortel Grimeland og er tilbake i Førde i god tid før Førde sin neste treningskamp. Det er mot Florø måndag 1. april, og blir spelt på kunstgrasbana i kystbyen.
Vil ha Brann i cupen
Og allereie førstkomande tysdag blir cup-oppsettet for NM klart, og då er det ikkje vanskeleg for Grimeland vanskeleg å fortelle kven som er ønskemotstandar.
-Eg var i grasbakken ved bane 2 i Hafstadparken som niåring i 2016, då Førde slo ut Brann. Eg gløymer det aldri. Så klart at den store draumen er å få møte Brann, seier 17-åringen.
På bildet har forsvarsspelaren Elias Grimeland full kontroll på Florø-spissen Oskar Fanøy Nordal då Førde slo Florø heile 7-0 sist onsdag.
Tekst og foto: Stig Roger Eide