ELIAS MED FORNYA TILLIT
Førde-spelaren Elias Grimeland fekk sin landslagsdebut sist haust. No skal ungguten delta på ny landslagssamling for G16. Venstrebacken Elias Grimeland fekk spele dei siste minutta for Norge sitt G15-landslag mot Sverige i haust. No har han fått fornya tillit på talentsamling til G16-landslaget, og er innkalla til samling i Østfoldhallen i Sarpsborg. Totalt er det…
Førde-spelaren Elias Grimeland fekk sin landslagsdebut sist haust. No skal ungguten delta på ny landslagssamling for G16.
Venstrebacken Elias Grimeland fekk spele dei siste minutta for Norge sitt G15-landslag mot Sverige i haust. No har han fått fornya tillit på talentsamling til G16-landslaget, og er innkalla til samling i Østfoldhallen i Sarpsborg. Totalt er det innkalla 36 spelarar til Equinor si talentsamling, og det er påfallande at så godt som alle desse spelarane kjem først og fremst frå klubbar i eliteserien og OBOS-ligaen. Dessutan er det to spelarar frå 2. divisjonsklubben Alta, samt fire spelarar frå 3. og 4. divisjon. Dette gjeld klubbane Førde, Stathelle, Storm og Årdal (Julian Lægreid). Gruppa er delt inn i ei landslagsgruppe og ei skyggelandslagsgruppe. Dei to spelarane frå Sogn og Fjordane er begge med i skyggelandslagsgruppa.
Landslagstrenar for G16 er Bjørn «Bummen» Johansen, og ansvarleg for skyggelandslaget er Jan Tore Jåstad.
Samlinga i Østfoldhallen vil bli avvikla i perioden 30. januar til fredag 3. februar. Prestasjonane på denne samlinga vil også danne grunnlag for neste landslagsuttak.
Tekst og foto: Stig Roger Eide
