-EIN HEILT NY KVARDAG
I helga deltok Terje Norevik for Førde sitt damelag på terminlistemøte på Brann stadion i Bergen. -Denne sesongen blir ein heilt ny kvardag for oss, smiler laget sin assistenttrenar. Etter møtet med alle lagleiarane/trenarane for Førde sine motstandarar i den nye serien, 3.divisjon Vestland, kom også terminlista for 2024-sesongen. Og Terje Norevik kunne i etterkant…
I helga deltok Terje Norevik for Førde sitt damelag på terminlistemøte på Brann stadion i Bergen. -Denne sesongen blir ein heilt ny kvardag for oss, smiler laget sin assistenttrenar.
Etter møtet med alle lagleiarane/trenarane for Førde sine motstandarar i den nye serien, 3.divisjon Vestland, kom også terminlista for 2024-sesongen. Og Terje Norevik kunne i etterkant smile litt av erfaringane i Bergen:
-I periodar trudde eg at eg var på ein geografitime på barneskulen. Det er ikkje alle i bergensområdet som kjenner til Førde og Sunnfjord. Eller som dei sa: Det ligger vel der oppe i Sogn!
Spøk til sides
Likevel vart terminlista spikra gjennom møtet på Brann stadion, og under ser du årets spennande sesong for Førde sitt damelag.
-Etter gjennomgang av serieoppsettet vart det berre mindre endringar. Vi har fått nokre fleire laurdagskampar, og så har vi fått fire bortekampar på rad rundt sommaren. Elles trur eg dette oppsettet er som forventa. Dessutan vart fleire av kampane mellom bergenslag flytta til midtveka, då dei ikkje har reiseavstandar som vi og Bremnes har, seier Norevik og viser til at dei resterande laga i avdelinga held til nær eller i Bergen.
-For oss betyr ikkje dette så mykje, då vi er vande med lange reiseavstandar. Men det er klart spennande å møte alle desse laga frå Hordaland. Det einaste usikre så langt er om Brann II får høve til å spele i denne 3.divisjonsavdelinga. Det er positive signal til det, men det er forbundstinget som formelt avgjer dette tidleg i mars. Alt dette blir uansett klart til seriestart og ligg inne i terminlista, seier Terje Norevik etter møtet med representantar frå alle dei andre klubbane i avdelinga.
Tidleg start
Opningskampen til Førde vart også flytta ein dag, og laget serieopnar med kamp mot Nymark i Hafstadparken laurdag 16. mars.
-Det betyr at vi er i gang om seks veker. Allereie førstkomande onsdag spelar vi treningskamp mot Høyang. Slik banetilhøva er i Hafstadparken for tida, så spelar vi den kampen på den oppvarma kunstgrasbana på Sletta i Høyanger. Elles skal vi ha treningskamp mot Sogndal i Sognahallen 11. februar og mot Askøy i Skei storhall 3. mars. Dessutan satsar vi på nokre interne kampar, mellom anna mot gutelag i Førde, seier Terje Norevik.
Seriekampane
Slik er terminlista ut for Førde-damene sine kampar i 3. divisjon Vestland i 2024:
16. mars: Førde-Nymark
7. april: Loddefjord-Førde
14. april: Førde-Åsane 2
21. april: Bremnes-Førde
28. april: Førde-Lyngbø
5. mai: Førde-Arna-Bjørnar 2
11. mai: Os-Førde
20. mai: Førde-Sotra
25. mai: Fyllingsdalen 2-Førde
2. juni: Førde-Brann 2
9. juni: Askøy-Førde
16. juni: Bjarg-Førde
23. juni: Voss-Førde
11. august: Nymark-Førde
18. august: Førde-Loddefjord
25. august: Åsane 2-Førde
1. september: Førde-Bremnes
8. september: Lyngbø-Førde
15. september: Arna-Bjørnar 2-Førde
21. september: Førde-Os
29. september: Sotra-Førde
6. oktober: Førde-Fyllingsdalen 2
13. oktober: Brann 2-Førde
20. oktober: Førde-Askøy
27. oktober: Førde-Bjarg
3. november: Førde-Voss
Tekst og foto: Stig Roger Eide
