FESTFOTBALL SENDTE FØRDE TIL 3. RUNDE
-No håpar vi å møte så god motstand som mogleg. Gjerne Molde, Arna-Bjørnar eller Klepp, smiler Johan Pettersen etter at J19-laget knuste Åsane heile 5-2 i Hafstadparken onsdag kveld. Toppserieklubben Åsane var favorittar mot 3.divisjonslaget Førde i 2. runde i NM-cupen, og det såg ut til å gå bergensarane sin veg då dei scora på…
-No håpar vi å møte så god motstand som mogleg. Gjerne Molde, Arna-Bjørnar eller Klepp, smiler Johan Pettersen etter at J19-laget knuste Åsane heile 5-2 i Hafstadparken onsdag kveld.
Toppserieklubben Åsane var favorittar mot 3.divisjonslaget Førde i 2. runde i NM-cupen, og det såg ut til å gå bergensarane sin veg då dei scora på sitt første angrep. Men Førde-laget sin strategi om å stå høgt og legge press på oransjetrøyene, lukkast svært godt og Førde kvitterte kjapt.
-Nå vi går opp i 1-1 og rett etterpå opp i 2-1 forstod vi at dette var mogleg. Og slik jentene jobbar gjennom heile kampen, så får vi verkeleg godt betalt. For dette var ein enorm laginnsats, smiler Johan pettersen og høyrer Førde-jentene juble inne i garderoben.
Gode i 90
-Utover i 2. omgang får vi mange gode overgangar, og vi kunne lett ha scora fleire mål. Men vi er likevel utruleg godt nøgd med å vinne 5-2 over Åsane, seier Johan Pettersen etter festkvelden i Hafstadparken.
-Vi takkar for all støtten vi fekk frå publikum i kveld, og håpar at mange av dei kjem igjen når vi skal avslutte vårsesongen med utsett 3.divisjonskamp mot Eid førstkomande fredag. Det har jentene verkeleg fortent. For dette har vore ein fantastisk vårsesong. Tenk at vi no er i 3. runde i NM-cupen med J19-laget. Det er kort og godt fantastisk, seier Johan Pettersen og vil helst ikkje trekkje fram særskilte spelarar i oppgjeret mot Åsane.
Heile laget
-Nei, i dag er alle kjempegode. Det vil vere feil å trekkje fram nokre få. I dag var det laget som vann, og absolutt alle bør vere nøgde etter denne 5-2-sigeren. No skal vi berre førebu oss på neste cupkamp, seier Pettersen.
Og det er verdt å merke seg at toppserieklubbar som Rosenborg, Vålerenga og Avaldsnes alle forsvann ut av NM-cupen i dag, medan 3. divisjonsklubben Førde er vidare!
Førde il Fotball gratulerer med cupsigeren.
Det kjem meir frå kampen seinare.
Tekst og foto: Stig Roger Eide