Vi snudde i Bergen og på Os
Både dame- og herrelaget fekk med seg tre poeng etter ein trå start laurdag.
Laurdag var begge våre a-lag til Bergen, for å spela seriekamp. Damelaget møtte Os, og herrelaget møtte Loddefjord. I dag var det dagen for å havne under, for så å snu til siger.
På Kuventræ var det heimelaget Os som starta best, med ei tidleg 1-0 scoring av Lenea Hjelle Fløysand. Slik stod det, til bortelaget vokna for alvor etter timen spelt. Fyrst utlikna Martine Wolff Nesse, navnesyster Honningsvåg Aarnes satte inn 1-2 etter 75 minutt. Martine gonger to resulterte i ein viktig snuoperasjon for Førde.
Herrelaget kunne ikkje vera dårlegare
I Alvøen kom heimelaget Loddefjord endå betre i gang, enn Os gjorde på Kuventræ. Allerede etter fire minutt stod det 1-0 etter scoring av Anders Zachariassen. Etter 37 minutt stod det 2-0 etter straffemål av Joachim Sæle Westrheim.
Alle som har fulgt fotball, veit at ei 2-0 leiing er farleg. Farleg er også fleire av Førde sine spelarar. Reduseringa kom tidleg. Tre minutt etter straffemålet, satte Vegard Lorgen inn 2-1. Rett etter pause fortsatte Vegard Savland snuoperasjonen med å sette inn 2-2 målet i det 52. speleminutt. Snuoperasjonen var komplett då super-innbyttar Sander Aamelfot satte 2-3 i det 58. speleminutt. Tretten minutt etter at han blei bytta innpå.
Ei lett reise heimatt
Begge laga visste at det kom til å bli ein tøff bortekamp denne laurdagen. Formen over tid, og resultata i dag, viser at vi har god moral og to sterke troppar som presterar javnt godt. Med seks poeng i bagasjen, blir heimreisa til Førde lettare. Det er glade jenter og gutar som set seg på bussen på Os i og i Loddefjord.
Damelaget står no med 22 poeng, som held til ein tredjeplass på tabellen. Bjørn Andre og teamet har fått mykje godt ut av jentene til no i år. Neste kamp blir nok ein tøff bortekamp, då mot Bremnes. Dei står med tre strake sigrar, alle på heimebane. Med andre ord må jentene opp igjen på sit høge nivå for å ta med seg poeng frå Bømlo.
Herrelaget står no med 23 poeng, etter ti kampar spelt. Også dei ligg på tredjeplass, med Fana på samme poengsum men betre målforskjell foran seg, i tillegg til Bjarg. Neste kamp for gutane er NM-kvalifiseringskamp onsdag klokka 19:00 på stadion. Då kjem Volda, som slo oss ut i kvalifisering til NM Menn 2025. Denne gongen står det om vidare avansement til NM Menn 2026, og vi er klare for revansje.
Neste seriekamp er heimekamp mot Sandefjord Fotball 2, laurdag 21. juni klokka 13:00. Denne kampen går også på stadion. Men, fyrst håpar vi flest mogeleg kjem på kamp onsdag, og fyrer gutane opp til nok ein seier.
