Stor aktivitet i helga
Kvalifisering til sluttspelet i SSF KM Futsal 13-19 år blir arrangert laurdag og søndag.
Denne helga er mange lag frå vår klubb i aksjon, då dei spelar kvalifisering til sluttspelet i SSF KM Futsal. I følge NFF Sogn og Fjordane sine sider er det heile 190 påmeldte lag. Høyanger, Gaular, Gaupne, Leikanger, Eid og Måløy er arrangørar for kvalifiseringskampane i dei ulike årsklassane. Sluttspelet blir arrangert i Trivselshallen på Sandane 1.-2. mars.
Kampoppsett og påmeldte lag kan du sjå her. Der kan du også følge kampane gjennom helga.
Fjoråret enda med to titlar
SSF KM Futsal 2024 blei også arrangert på Sandane. Då fekk Førde som klubb fleire gode resultat. Fyrst og fremst var vi representert i alle klassar, utanom J13 og J16. Dei gjævaste resultata var dei to KM-titlane i G13 og G15. På jentesida var det J15-laget som fekk den beste plasseringa med 3.plass i si klasse.
Førde stiller med følgande lag:
Gutar 13 år (tre lag), jenter 13 år (eitt lag), gutar 14 år (fire lag), jenter 14 år (tre lag), gutar 15 år (fire lag), jenter 15 år (eitt lag), gutar 16 år (tre lag), jenter 16 år (to lag), gutar 19 år (tre lag) og jenter 19 år (to lag). Totalt har vi altså 26 lag i aksjon.
J16, G19 og J19 har spelefri i helga, då alle lag i årsklassane er kvalifisert til sluttspelet.
Vi ynskjer våre resterande lag lykke til i helga!