Sander teken ut til Equinor talentleir
Førde IL Fotball er stolt over å ha ein representant på samling i regi av NFF.
Fredag kom den fantastiske nyheita om at Sander Hagen Kjelsnes er teken ut på Equinor talentleir. Talentleiren blir arrangert i perioden 28. juni til 2. juli, i Porsgrunn av Norges Fotballforbund.
På fotballforbundet si side, set leiar av NFFs landslagsskule Håkon Grøttland ord på at det er eit trangt nålauge Kjelsnes har kome seg gjennom.
– Dette er en stor prestasjon, og spillerne her har «utkonkurrert» flere tusen spillere på sin alder. Samlingen i Porsgrunn handler først og fremst om referanser og inspirasjon. Sammen med de største talentene i sitt alderskull skal disse spillerne få kjenne på hvor lista ligger og hva som kreves for å prestere på øverste nasjonale nivå, sier Håkon Grøttland, leder av NFFs lansdslagsskole.
Uttaket kan du lese her: https://www.fotball.no/barn-og-ungdom/landslagsskolen/2025/uttak-equinor-talentleir-porsgrunn—gutter/
Ei gulrot i utviklingsprosessen
Som klubb er vi stolt over Sander og er glad for å sjå at han får denne mogelegheita av NFF. I år har han hatt to utviklingsarenaer; I Førde og i Sogndal. Gjennom våren har han spelt for Sogndal i Nasjonal G15-serien, samtidig som han har representert Førde i lokal seriespel. Kombinasjonen er viktig, for å få referansar, utfordring, og samtidig kjenne på glede, utvikling, trivsel og samhald i utviklingsvegen.
Det er andre året Sander deltar i nasjonal serie. Vi sjølv tilbyr god tilpasning til enkeltspelarar, samtidig er vi glade for at vi har mogelegheita til å gje våre spelarar ekstratilbod gjennom Sogndal og deira kamptilbud på nasjonalt nivå.
– Det skjer mykje bra i vår klubb om dagen, med mange gutar og jenter som jobbar godt for å bli så gode som mogeleg. Som klubb vil vi legge godt til rette og hjelpe flest mogeleg på vegen, fortel spelar- og trenarutviklar Bjørn Totland.
Saman med Sander og foreldra, finner Bjørn den beste kvardagen til Sander. Målet er å gje han ein god kvardag som er tilpassa godt. Dette tilbyr til dei fremste spelarane våre, for å gje dei ein kvardag som utfordrar dei, samtidig som vi ivaretar mennesket i utviklinga.
