Elias Rognebakke er klar for ny sesong i Førde
Fleire viktige brikker er på plass foran ny fotballsesong for herrelaget.
Torsdag 21. november sette Elias Rognebakke sin signatur på ei ny kontrakt med Førde IL Fotball. Han er ei av fleire viktige brikker som no har signert.
I tillegg til Vegard Savland og Fredrik Hanssen, som blei offentleggjort tidlegare, har også Thomas Hallstensen, Mathias Sagevik og Jakob Bergset signert kontrakt. I tillegg har Magne Aarøen eitt år igjen av s5 kontrakt. Med det begynner laget å ta form og stallen ser sterk ut inn mot ny sesong.
Elias og dei andre signeringane som er gjort, er viktige bærebjelkar som skal driva Førdefotballen på herresida vidare. Det å signera lokale spelarar er ein nedfelt ambisjon for klubben.
Ein spennande sesong i vente
I hovedterminlista for herrefotballen, er fyrste runde i Norsk Tipping-ligaen sett opp siste helga i mars. Avdelingsoppsettet kjem fyrst i desember. Der får ein vite kven ein skal kjempe mot i 2025.
Førde sitt herrelag har lagt bak seg ein god sesong, med mange spennande kampar. Klubben og laget jobbar no vidare med å vidareutvikla seg. Blandinga av rutinerte herrar og unge talent, gjev stor grunn til å gle seg til sesongstart.
