ANDRE SIGER PÅ FEM DAGAR
Dette Førde-laget vann sin andre kamp på fem dagar. -Dette var ein kontrollert siger, ja, seier Johan Pettersen etter 5-1 over Studentspretten i Hafstadparken tysdag kveld. Verken nordavind eller snøbyger klarte å leggje særleg dempar på Førde si scoringslyst i ioppgjeret mot Sogndals-laget Studentspretten. For når det første målet var protokollført, så kom dei fire…
Dette Førde-laget vann sin andre kamp på fem dagar. -Dette var ein kontrollert siger, ja, seier Johan Pettersen etter 5-1 over Studentspretten i Hafstadparken tysdag kveld.
Verken nordavind eller snøbyger klarte å leggje særleg dempar på Førde si scoringslyst i ioppgjeret mot Sogndals-laget Studentspretten. For når det første målet var protokollført, så kom dei fire andre måla i jamn rekkefølgje.
Heile 300 i scoringsklubben
-Dette var kontrollert på ein heller middels dag. Det viktigaste i dag var sigeren, og at alle 18 spelarar i troppen fekk speletid. Dessutan er det jo fantastisk at vi har solgt heile 300 andelar i scoringsklubben vår. Det er kort og godt fantastisk, smiler Pettersen etter oppgjeret mot Studentspretten.
No har Førde vunne dei to første kampane i 3.divisjon, og skal ut i ny kamp allereie førstkomande sundag i Hafstadparken igjen.
God start
-Ja, vi har fått ein god start på sesongen. Og når vi scorar masse mål, så renn også pengane inn til laget vårt gjennom scoringsklubben, ler Pettersen og ser at med fem mål i dag og tre kroner per mål på dei 300 deltakarane i scoringsklubben, så spelte klubben inn 4500 kroner berre denne tysdagskvelden.
Bildet viser at ikkje ein gong aprilbygene i fjella i Angedalen kunne jage vekk det gode humøret hos Førde-laget.
Vi kjem tilbake med meir om kampen. Ikkje minst fleire bilde!
Tekst og foto: Stig Roger Eide
